Tulong at mga madalas itanong

Lima lang ang hakbang:

1. Buksan ang Tindahan at hanapin sa mapa ang tindahang malapit sa iyo.

2. Piliin ang gusto mong produkto at ilagay sa cart.

3. Sa checkout, piliin kung susunduin mo sa tindahan o ipahahatid sa address mo.

4. Buksan ang order mo, ipadala ang bayad sa GCash ng tindera, tapos i-upload ang screenshot.

5. Hintayin ang tindera na tingnan at tanggapin ang bayad.

GCash lang sa ngayon — wala pang cash on delivery.

Sa screen ng order mo makikita ang GCash number ng tindera at ang eksaktong halagang ipadadala. Ipadala mo ito sa GCash mula sa sarili mong app, i-screenshot ang resibo, tapos i-upload sa parehong screen ng order.

Diretso sa tindera ang pera — hindi ito dumadaan sa Ugnaya.

Ang tindera lang ng order mo ang makakakita nito. Hindi ito lumalabas sa mapa, sa listahan, o sa paghahanap.

Pero alamin mo ito: tao ang titingin dito. Kadalasang nakikita sa screenshot ng GCash ang buong pangalan mo at minsan ang balanse mo. Kung ayaw mong makita ang balanse, takpan o i-crop mo ito. Sapat na ang halaga, petsa, at reference number.

Ito ang anim na estado ng order mo:

Naghihintay — Naipasa na ang order mo. Hindi pa ito tinatanggap ng tindera.

Tinanggap — Nakita at tinanggap ng tindera ang bayad mo. Sigurado na ang order.

Inihahanda — Iniimpake na ng tindera ang order mo.

Handa na — Puwede mo nang sunduin, o nasa daan na kung pahatid.

Natapos — Natanggap mo na ang order. Tapos na ito.

Kanselado — Hindi natuloy ang order — kinansela ng mamimili o ng tindera.

Hiwalay ang status ng bayad sa status ng order — puwedeng bayad ka na pero hindi pa inihahanda, o tinanggap na ang order pero may problema sa bayad.

Hinihintay ang bayad — Wala pang naipapadalang screenshot ng bayad.

Naipadala ang resibo — Naipadala mo na ang screenshot. Tinitingnan pa ito ng tindera.

Bayad na — Nakita ng tindera ang bayad at tinanggap niya ito.

Tinanggihan ang bayad — May mali sa screenshot. Kailangan mong mag-upload ulit.

Dahil ang tindera ang naglalagay nito pagkatapos mong mag-order. Nagkakaiba kasi ang layo ng bawat hatid, kaya walang iisang presyo.

Habang blangko ito, hindi ka pa makakabayad — hindi pa buo ang kabuuang halaga. Kapag nailagay na ng tindera, mag-a-update ang total at bubukas ang pag-upload ng bayad.

Kung sundo (pickup) ang pinili mo, wala nito — buo na ang halaga sa checkout pa lang.

Ibig sabihin, may nakitang hindi tugma ang tindera. Madalas ito ay: malabo ang larawan, kulang ang halagang naipadala, o naipadala sa maling numero.

Balikan mo ang screen ng order at tingnang mabuti ang GCash number at ang eksaktong halaga. Kung may mali sa ipinadala mo, ayusin mo at mag-upload ulit — hindi nawawala ang order mo.

Kung sigurado kang tama ang lahat, kausapin mo ang tindera bago mag-upload ulit.

Hindi pa naglalagay ng GCash number ang tindera. Dahil walang mapagpapadalhan ng bayad, nakatago muna ang pag-upload ng resibo — mas mabuti nang maghintay kaysa mapadala sa maling numero.

Maghintay ka o pumili ng ibang tindahan. Huwag na huwag kang magpapadala ng pera sa numerong ibinigay sa labas ng app.

Walang awtomatikong refund. Hindi dumadaan sa Ugnaya ang pera mo — diretso ito sa GCash ng tindera, kaya wala kaming mababawi para sa iyo.

Ang paghingi ng refund ay usapan ninyo ng tindera.

Kung hindi ka niya pinapansin o niloko ka, i-report mo sa archiedaga.tech@gmail.com. Puwede naming isara ang tindahan, pero hindi namin maibabalik ang perang hindi namin hawak.

Wala. Ang kabuuang halagang nakikita mo sa order ang babayaran mo — walang dagdag na singil sa mamimili.

Gumawa ng account at piliin ang Nagtitinda. Pagkatapos, ayusin ang tindahan mo: ituro sa mapa kung nasaan ka at isulat ang address.

Idagdag ang mga produkto mo — pangalan, presyo, at yunit (kilo, tali, piraso). Kapag handa ka na, buksan ang tindahan para makita ka ng mga mamimili.

Hindi mo mabubuksan ang tindahan hangga't kulang ang dalawang ito: (1) naka-pin ang lokasyon mo sa mapa, at (2) may nakasulat na address.

Kailangan ang dalawa dahil sa mapa ka hinahanap ng mamimili, at kailangan nilang malaman kung saan susunduin ang order. Pumunta sa Tindahan ko para kumpletuhin ito.

Sa Tindahan ko. Ito ang makikita ng mamimili sa order niya at dito niya ipadadala ang bayad — hindi ito dumadaan sa Ugnaya.

Puwede mong isulat na 0917 123 4567, +63 917 123 4567, o 63 917 123 4567 — kami na ang bahalang ayusin ang porma.

Kung walang numero ang tindahan mo, hindi makakabayad ang mamimili sa order niya.

Buksan ang order at tingnan ang screenshot na ipinadala ng mamimili. Tatlo ang dapat mong tingnan: tugma ba ang halaga sa total, sa numero mo ba ipinadala, at kailan ito ipinadala.

Kung tama, pindutin ang Bayad na — matatanggap na rin nito ang order. Kung mali, pindutin ang Tanggihan at makakapag-upload ulit ang mamimili.

Ikaw ang tumitingin — walang awtomatikong tseke ang Ugnaya. Siguraduhin mong nasa GCash app mo talaga ang perang natanggap bago mo ihanda ang order.

Ilalagay mo ito sa order pagkatapos mag-order ng mamimili, bawat order — dahil magkaiba ang layo ng bawat hatid.

Habang wala pa ito, hindi makakabayad ang mamimili. Kapag nailagay mo na, mag-a-update ang total at makakabayad na siya.

Kung courier ang gagamitin mo, kunin muna ang presyo sa courier bago mo ilagay dito, para hindi ka malugi.

Kumikita ang Ugnaya ng 10% sa halaga ng produkto lang — hindi sa bayad sa hatid.

Nakapaloob na ito sa halagang ipinapadala ng mamimili, kaya napupunta ito sa GCash mo kasama ng kita mo. Ibig sabihin: hawak mo ito, pero utang mo ito sa Ugnaya at kailangan mong ibalik.

Halimbawa: ₱1,000 na gulay. ₱100 ang bayarin ng Ugnaya, kaya ₱1,100 ang ipapadala sa iyo ng mamimili (dagdag pa ang hatid kung meron). Sa natanggap mong iyon, ₱1,000 ang sa iyo at ₱100 ang sa Ugnaya.

Naitatala namin ang bawat natapos na order at ang katumbas nitong bayarin.

Kapag nakumpirmang natanggap na. Puwedeng ang mamimili ang magsabi nito, puwede ring ikaw kung nasundo na niya ang order.

Sa Natapos nabibilang ang 10% na bayarin.

Hindi. Isang account, isang tindahan. Kung kailangan mo ng pangalawang tindahan, kailangan mo ng bagong account na may sariling email.